“Po bën kod procedure për veten”/ Murrizi: Rama do të heqë burgun për krimin nga “kollaret”! Pres reagimin e ndërkombëtarëve

Ish-deputeti i Partisë Demokratike, Myslim Murrizi, ka komentuar projektin e ri të Kodit të Procedurës Penale të propozuar nga kryeministri Edi Rama. Murrizi ka lëshuar akuza të forta, duke u shprehur se ndryshimet po bëhen nga kreu i qeverisë për interesat e tij personale dhe për të mbrojtur zyrtarët e korruptuar.
Gjatë fjalës së tij, ai theksoi se ndërsa në vitet e para të qeverisjes njerëzit e thjeshtë përfundonin në burg për energjinë elektrike apo për ndërtime të vogla, tani po tentohet të hiqet masa e arrestit me burg për të ashtuquajturat “krime me kollare”.
“Ky po i bën ndryshimet për veten e tij. Ambasadori që ka ardhur tani është i fortë. Rama po bën një kod procedure për veten e tij. Kodi ka burgun, masën më të fortë shtrënguese. Gjithë krimet e këtyre me kollare në shtet, ky do ta heqë fare arrestin me burg,” u shpreh Murrizi.
Më tej, ish-deputeti u ndal te roli i institucioneve të drejtësisë, të cilat sipas tij kanë reaguar ndaj këtyre nismave, por ndodhen përpara një ngërçi pasi nuk kanë vota në Kuvend për të bllokuar ligje të tilla.
Për këtë arsye, ai theksoi se shpresa e vetme mbetet te reagimi i fortë i partnerëve ndërkombëtarë për të ndaluar miratimin e këtij projektligji në Parlament.
“Ky 4 vitet e para futi në burg njerëzit se nuk kishin paguar dritat, për një çati, për një kotec. Drejtësia ka reaguar kundër, por nuk kanë vota atje në Kuvend. Pres që ndërkombëtarët të reagojnë fort dhe ta ndalojnë që të mos e votojë atë ligj. Prokuroritë, SPAK, gjyqtarët nuk kanë vota në Parlament,” përfundoi Murrizi.
Lexo edhe
POLITIKE
Shkullaku: Pse Rama zgjodhi Ron Yeffetin dhe jo Lockheed Martin? Këtu është gjithçka e strukturuar

Erion Veliaj emëron nga qelia dy nënkryetarë të rinj të Bashkisë Tiranë

Skandali ‘KAYO’/ Bushati: Pas trekëndëshit të hajdutërisë fshihet Edi Rama

“Dorëheqje, dorëheqje”/ Thirrje të forta në bulevard kundër qeverisë

Aktivisti Arben Kola thirrje SPAK-ut: Arresto sa më shpejt zyrtarët e lartë të korruptuar

Votoi kundër Territoriales/ Braçe shpërthen ndaj Ballës: S’më përjashton dot ky djali apo cilido tjetër që më ka gjetur në PS

“Deputetët e krimit nuk na përfaqësojnë”, Vatnikaj: 3 protestues u shoqëruan sot para Kuvendit, policia t’i lirojë

“Kujt i thua të qelbur?”/ Përplasje e fortë te Ligjet pas deklaratës së Olsi Komicit





