Humbja turpëruese me Anglinë/ Modric: Hera e parë që më erdhi turp që vesha fanellën kroate

Kroacia ka pësuar një nga humbjet më të rënda në historinë e saj, duke u mposhtur 0-7 nga Anglia në Rijeka.
Pas ndeshjes, kapiteni i Kroacisë, Luka Modrić, nuk e fshehu zhgënjimin për paraqitjen e skuadrës, duke thënë se për herë të parë gjatë karrierës së tij me kombëtaren është ndier i turpëruar pas një ndeshjeje.
“Është e vështirë të gjesh një shpjegim për një performancë të tillë pa duele, faulle, agresivitet, bashkim. Kam qenë këtu për 20 vjet, por për herë të parë ndihem i turpëruar pas një ndeshjeje”, deklaroi Modrić.
Ai shtoi se një humbje mund të ndodhë kur kundërshtari është më i mirë, por mënyra se si Kroacia u mposht në Rijeka, sipas tij, është e papranueshme.
“Duhet të humbasësh, dikush është më i mirë, është më i mirë në këtë moment, por të humbasësh kështu dhe të prishësh reputacionin që kemi fituar gjatë viteve është e papranueshme! Ndihem shumë i turpëruar”, tha kapiteni kroat.
Kroacia do ta zhvillojë ndeshjen e radhës të mërkurën ndaj Spanjës në Split.
Lexo edhe
SPORT
Anglia e pamëshirshme, poshtëron Kroacinë

Fabian Ruiz largohet nga kombëtarja për të asistuar në lindjen e fëmijës

Austriakët u ankuan për barin e fushës në Prishtinë, Vedat Muriqi u kthen përgjigjen e prerë

Irlandë-Izrael, tension i lartë para ndeshjes/ Kaos në konferencën për shtyp

Maran pas humbjes ndaj Finlandës: Na penalizuan vendimet e arbitrit, të pakuptimta





