16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SHOWBIZ
Trondit me rrëfimin banorja e Big Brother: Prindërit më braktisën kur isha vetëm 2-ditëshe, por ende i kërkoj
PiranjatPërditësimi i fundit 2 November 2026, 16:59
Historia e Shqiponja Mustafajt, banores së “Big Brother VIP Kosova 5”, ka prekur publikun pas rikthimit në vëmendje të rrëfimit të saj të dhimbshëm: ajo u braktis nga prindërit biologjikë vetëm dyditëshe dhe u gjet nga një patrullë policie në Drenas.
E njohur në rrjetet sociale si influencuese në TikTok, Shqiponja e kishte ndarë këtë histori edhe më parë me publikun. Një video nga intervista e saj po qarkullon sërish në rrjetin social X, duke rikthyer në vëmendje kërkimin që ajo ka nisur për të gjetur familjen biologjike.
Në rrëfimin e saj, Shqiponja kishte treguar se ishte gjetur në vitin 2000, në udhëkryqin Orllat-Llapushnik, nga një patrullë e Policisë së Drenasit. Ajo kishte qenë vetëm dyditëshe.
“Unë jam Shqiponja dhe jam duke i kërkuar prindërit e mi biologjikë. Për ata shikues që po më shohin për herë të parë, bëhet fjalë për një foshnjë të gjetur nga patrulla e Policisë së Drenasit. Foshnja ka qenë dyditëshe, në udhëkryqin Orllat-Llapushnik. Ajo foshnjë kam qenë unë. Ngjarja ka ndodhur në vitin 2000”, tregonte ajo në intervistë.
Pas gjetjes, Shqiponja u birësua nga një familje tjetër. Megjithatë, dëshira për të mësuar më shumë rreth origjinës së saj dhe për të njohur prindërit biologjikë nuk është shuar.
Tashmë, me hyrjen në edicionin e pestë të “Big Brother VIP Kosova”, historia e saj është rikthyer në qendër të vëmendjes, ndërsa publiku ka risjellë në diskutim edhe kërkimin e saj për familjen biologjike.
