Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shembja e banesave me banorët brenda/ Bashkia Rrogozhinë zgjohet pas ndërhyrjes së Piranjave “Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu...
AKTUALITET

EMRI/ Pjesë e grupit kriminal, lirohet nga qelia “ushtari” i Laert Haxhisë

P
Piranjat 7 October 2026, 19:45 · 2 min lexim
EMRI/ Pjesë e grupit kriminal, lirohet nga qelia “ushtari” i

Gjykata e Posaçme e Apelit ka vendosur lirimin e menjëhershëm të Kristi Bixhekut, i akuzuar nga SPAK si pjesë e grupit të Laert Haxhiut, pasi ka konstatuar se ai e ka shlyer tashmë dënimin e dhënë nga shkalla e parë.

Apeli ka pranuar kërkesën e Bixhekut, duke konstatuar shuarjen e masës së sigurisë “arrest në burg” dhe duke urdhëruar lirimin e tij, me kusht që të mos mbahet në burg për një çështje apo dënim tjetër. Për zbatimin e vendimit është ngarkuar SPAK.

Një nga elementët kryesorë të vendimit lidhet me mënyrën e përllogaritjes së kohës së paraburgimit. Bixheku u arrestua në Holandë më 4 mars 2025, në kuadër të procedurës së ekstradimit drejt Shqipërisë, ndërsa më 14 mars 2025 u ekstradua dhe vijoi qëndrimin në paraburgim në vendin tonë.

Sipas Apelit, edhe periudha e qëndrimit në paraburgim në Holandë për efekt ekstradimi duhet të llogaritet në kohën e privimit nga liria.

Bixheku ishte dënuar nga GJKKO më 9 qershor 2026 me 3 vjet e 6 muaj burgim për veprën penale “Përkrahja e autorit të krimit”. Për shkak të gjykimit të shkurtuar, dënimi u reduktua me një të tretën, duke zbritur në 2 vjet e 4 muaj, ose 28 muaj burgim.

Apeli ka marrë në konsideratë edhe rregullin ligjor sipas të cilit një ditë paraburgimi llogaritet si një ditë e gjysmë burgim. Sipas përllogaritjeve të gjykatës, Bixheku e kishte përmbushur dënimin prej 28 muajsh më 24 shtator 2026.

Kur kërkesa u shqyrtua më 3 tetor, gjykata ka përllogaritur se ai kishte konsumuar gjithsej 2 vjet, 4 muaj e 12 ditë burgim.

Vendimi vjen ndërkohë që dënimi i dhënë nga GJKKO më 9 qershor nuk kishte marrë ende formë të prerë, pasi ishte ankimuar dhe çështja ndodhej në Apel.

Megjithatë, Gjykata e Posaçme e Apelit ka arsyetuar se kjo nuk mund të justifikojë vijimin e qëndrimit në burg, pasi koha e paraburgimit e llogaritur sipas rregullave ligjore kishte tejkaluar tashmë masën e dënimit të caktuar nga shkalla e parë.

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.