Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shembja e banesave me banorët brenda/ Bashkia Rrogozhinë zgjohet pas ndërhyrjes së Piranjave “Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu...
AKTUALITET

Haki Çako u rrëmben bashkive tenderat e emergjencave civile

P
Piranjat 7 October 2026, 19:09 · 2 min lexim
Haki Çako u rrëmben bashkive tenderat e emergjencave civile

Agjencia Kombëtare e Mbrojtjes Civile (AKMC) pritet të kthehet në një nga institucionet me fuqinë më të madhe ekonomike dhe tenderuese në vend. Një projektligj i propozuar nga Ministria e Mbrojtjes e kalon kompetencën e tenderave për mbrojtjen civile tek AKMC, duke i hequr këto proccedura prokurimi nga bashkitë apo institucionet e tjera.

Në ligjin ekzistues të vitit 2019, AKMC-ja kishte kryesisht një rol koordinues, teknik dhe monitorues. Kur ndodhnin fatkeqësi natyrore ose kur duheshin blerë mjete logjistike (si zjarrfikëse, pajisje shpëtimi apo ndërhyrjeje), tenderat zhvilloheshin në mënyrë të decentralizuar nga vetë ministritë e linjës (si ajo e Infrastrukturës, Shëndetësisë apo Mbrojtjes) dhe nga 61 bashkitë e vendit sipas territoreve të tyre.

Projektligji i ri i propozuar përmbys tërësisht këtë skemë përmes ndryshimeve në Nenin 23, ku AKMC-së i jepet zyrtarisht statusi i Organit Qendror Blerës. Ky ndryshim specifikon se agjencia merr kompetencën ekskluzive për:

• Rindërtimin e infrastrukturës kritike: Lidhjen e marrëveshjeve me operatorët ekonomikë për rehabilitimin dhe rindërtimin e infrastrukturës së dëmtuar nga fatkeqësitë në emër të të gjitha institucioneve të tjera.

• Blerjet logjistike operative: Hartimin e standardeve dhe blerjen e centralizuar të të gjitha mjeteve dhe pajisjeve logjistike për të gjitha strukturat operacionale të Sistemit Kombëtar të Mbrojtjes Civile.

Për vitin 2026, buxheti i akorduar për Emergjencat Civile dhe Agjencinë Kombëtare të Mbrojtjes Civile (AKMC) kap një vlerë totale prej 5.1 miliardë lekësh (afro 53 milionë euro).

Fondi prej 5.1 miliardë lekësh administrohet nën përgjegjësinë e Ministrisë së Mbrojtjes. Ai përfshin fonde për investime infrastrukturore (si rehabilitimi i digave), blerjen e makinerive dhe pajisjeve të reagimit emergjent, rritjen e pagave të personelit si dhe fondet për dëmshpërblimin e qytetarëve të prekur nga fatkeqësitë natyrore. /Kapitali/

 

 

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.