Me shpejtësi skëterrë/ Policia sekuestron Audin dhe arreston ‘Schumacherin’ shqiptar

Një shtetas shqiptar është arrestuar paraditen e së mërkurës në aksin rrugor Janinë-Arta, pasi u kap duke drejtuar automjetin me një shpejtësi prej 249 km/orë.
Shpejtësia e lejuar në segmentin ku u konstatua shkelja ishte 100 km/orë. Pas evidentimit të rastit, policia greke ndërhyri menjëherë duke ndaluar drejtuesin e mjetit.
Ndaj shqiptarit janë marrë masa në bazë të nenit 290A të Kodit Penal grek. Automjeti është sekuestruar, ndërsa ndaj tij është vendosur një gjobë prej 2 mijë eurosh, heqja e patentës për një vit dhe 9 pikë penalizuese.
Megjithatë, masat përfundimtare do të përcaktohen nga gjykatësi i Janinës, përpara të cilit shqiptari pritet të dalë për caktimin e masës së sigurisë.
Ai akuzohet për drejtim të rrezikshëm të mjetit dhe vënie në rrezik të jetës së qytetarëve.
Rasti ka tërhequr vëmendjen e mediave greke, në një kohë kur kontrollet në rrugë janë shtuar ndjeshëm përmes kamerave të survejimit të vendosura në autostrada dhe në semaforët e qyteteve, duke çuar në mijëra gjoba të vendosura çdo ditë.
Lexo edhe
AKTUALITET
Shkatërrimi i hard disqeve fshiu gjurmët e personave në videot intime të Hilës? Eksperti: Ja ku mund të jenë ruajtur

Kapet me 2.4 kg kokainë, si i ngritën kurth karabinierët 36-vjeçarit shqiptar duke u shtirur si qiramarrës

Nga ndjekja, rrëmbimi te hedhja në liqen, SPAK zbardh skemën e vrasjes së Renis Dobrës nga vëllezërit Bushgjokaj

Vëllai i Igli Tares kërcënon me jetë gazetarin Almer Toska, pasi denoncoi çështjen e Ballukut

QR-kodi çonte në p*rnografi, hiqet kodi në Kalanë e Libohovës





