Një prej ligjvënësve më të lartë të Partisë Demokratike në SHBA ka kërkuar informacion të detajuar mbi ...
AKTUALITET
QR-kodi çonte në p*rnografi, hiqet kodi në Kalanë e Libohovës
PiranjatPërditësimi i fundit 7 Tetor 2026, 17:48
QR-kodi i vendosur në tabelën informuese të Kalasë së Libohovës, i cili duhej t’u ofronte vizitorëve informacion për monumentin, pas skanimit i orientonte ata drejt përmbajtjeve pornografike.
Rasti ka ngritur pikëpyetje për sigurinë dhe funksionalitetin e QR-kodeve të vendosura në monumentet e kulturës dhe hapësirat turistike. Turistët që vizitojnë Gjirokastrën thonë se në përgjithësi nuk i përdorin QR-kodet në ambiente publike, jo vetëm në Shqipëri, por edhe gjatë udhëtimeve jashtë vendit.
“Ne kemi udhëtuar kudo, por QR-kodet nuk i përdorim kurrë. I besojmë më shumë një faqeje në internet sesa këtyre kodeve, dhe kjo nuk ndodh vetëm këtu në Shqipëri, por kudo ku shkojmë”, tha një turist.
“Ne nuk skanojmë asnjëherë QR-kodet, është më e thjeshtë të përdorim web sesa ato nuk janë të sigurta, madje në disa vende ka ndodhur që të tjerët janë ankuar dhe, duke i dëgjuar, nuk kemi marrë iniciativën për të skanuar”, tha një tjetër turist.
Pas publikimit të rastit, QR-kodi në Kalanë e Libohovës është hequr menjëherë nga autoritetet. Ndërkohë, pritet të verifikohet edhe situata me QR-kodet e tjera të vendosura në monumentet e kulturës, për të garantuar që ato të çojnë vetëm drejt informacionit për të cilin janë vendosur.
