Pas publikimit të pamjeve nga “Piranjat News”, arrestohet personi që iu afrua 11-vjeçares në Astir

Një ditë pasi “Piranjat News” publikuan pamjet e një personi që i afrohej një 11-vjeçareje në zonën e Astirit në Tiranë, Policia ka bërë të mundur arrestimin e tij.

Ngjarja u denoncua nga babai i të miturës, i cili kishte deklaruar se vajza ishte kthyer në shtëpi duke qarë pasi personi i ishte afruar dhe kishte tentuar ta kapte nga duart.

Pamjet e incidentit u publikuan nga “Piranjat News” një ditë më parë dhe treguan momentin kur personi i afrohej të miturës në zonën e Astirit.

Pas identifikimit të tij, policia ka ndërhyrë duke e arrestuar, ndërsa vijojnë veprimet hetimore për zbardhjen e plotë të rrethanave të ngjarjes.