GTA 6 thyen rekordet që në ditën e parë, 2.36 miliardë dollarë të ardhura dhe 24.5 milionë kopje të shitura

Grand Theft Auto 6 (GTA 6) ka shënuar një sukses të jashtëzakonshëm që në ditën e lançimit, duke gjeneruar rreth 2.36 miliardë dollarë të ardhura nga paraporositë dhe shitjet e ditës së parë. Sipas vlerësimeve të platformës analitike Sensor Tower, deri të enjten në mbrëmje ishin shitur rreth 24.58 milionë kopje të lojës së shumëpritur.
Megjithatë, zhvilluesi Rockstar Games dhe kompania mëmë Take-Two Interactive nuk kanë publikuar ende shifra zyrtare të shitjeve, ndonëse kërkesa për lojën është cilësuar si e pashembullt. Vlerësimet e Sensor Tower përfshijnë si blerjet paraprake, ashtu edhe ato të realizuara në ditën e publikimit.
GTA 6 u lançua më 19 nëntor për platformat PlayStation 5 dhe Xbox Series X|S, duke i dhënë fund një pritjeje 13-vjeçare që nga publikimi i GTA V në vitin 2013.
Suksesi i pjesës së re vjen pas rekordeve të vendosura nga paraardhësi i saj. Sipas Take-Two, Grand Theft Auto V gjeneroi më shumë se 800 milionë dollarë në shitje me pakicë vetëm gjatë 24 orëve të para të publikimit, ndërsa deri më tani ka shitur afro 235 milionë kopje në mbarë botën.
Historia përqendrohet te dy personazhet kryesore, Luçia dhe Jason, të cilët përfshihen në një operacion kriminal të dështuar, duke u bërë pjesë e një komploti më të gjerë në të gjithë shtetin.
E njohur për botën e saj të hapur, historitë e lidhura me krimin dhe satirën ndaj shoqërisë amerikane, seria GTA ka ndërtuar ndër vite një nga komunitetet më të mëdha të lojtarëve në botë.
Lexo edhe
BOTA
Banorët u ankuan për zhurmat në lokalin te "Komuna e Parisit", policia procedon 2 administratorët

Estonia mbyll kufirin me Rusinë

UNICEF jep të dhënat dramatike: 114 fëmijë të vrarë dhe mbi 1 mijë të plagosur në Ukrainë gjatë këtij viti

Përmbytje masive në Francë/ Evakuohen 450 persona, mbyllen 130 shkolla

VIDEO/ Avioni rrëzohet në autostradë në Meksikë dhe përfshihet nga flakët

Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

Eisenkot tenton të rrëzojë Netanyahun, në tryezë edhe mundësia e një qeverie minoritare me mbështetjen e partive arabe

Alarm për dronë në Itali, pezullohen fluturimet në aeroportin e Genovës





