“Socialisti ‘me duar të lidhura’ po dorëzohet para jush”/ Veliaj nga burgu i kërkon ndihmë Ballukut: Rama është kot, nuk merr dot më vendime! Më ndihmo të operohem
Kryebashkiaku i Tiranës, Erion Veliaj, i është drejtuar me një letër ish zv.kryeministres Belinda Balluku nga burgu i Fierit, ku i kërkon ndihmë për të kryer një ndërhyrje kirurgjikale në Tiranë, pranë mjekut të tij dhe familjes. Në letrën e tij, Veliaj shkruan se prej një muaji po mbahet në izolim në IEVP Fier, pavarësisht […]
Kryebashkiaku i Tiranës, Erion Veliaj, i është drejtuar me një letër ish zv.kryeministres Belinda Balluku nga burgu i Fierit, ku i kërkon ndihmë për të kryer një ndërhyrje kirurgjikale në Tiranë, pranë mjekut të tij dhe familjes.
Në letrën e tij, Veliaj shkruan se prej një muaji po mbahet në izolim në IEVP Fier, pavarësisht se ka një këmbë të thyer dhe ka nevojë urgjente për operacion. Ai pretendon se kërkesat e tij të përsëritura drejtuar kryeministrit Edi Rama, ministrit të Drejtësisë, Toni Gogu, dhe drejtoreshës së Burgjeve nuk kanë marrë përgjigje.
Në vijim, Veliaj përdor një gjuhë ironike ndaj kreut të qeverisë, duke shkruar se, sipas asaj që dëgjon nga personat në burg, “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”.
Duke iu drejtuar drejtpërdrejt Ballukut, të cilën po me ironi e cilëson si personin që mund t’i zgjidhë problemin, Veliaj kërkon miratimin e operacionit në Tiranë.
Në fund të letrës, kryebashkiaku e mbyll me firmën ironike: “Socialisti me duar të lidhura”, referuar asaj që u tha në drejtim të tij nga kreu i qeverisë Rama, në Asamblenë e Partisë Socialiste.
Letra e plotë e Erion Veliajt:
Siç dihet publikisht, por edhe nga vartësit tuaj në IEVP Fier, po e kaloj izolimin ku më sollët para 1 muaji, me një këmbë të thyer dhe nevojë akute për operacion – kjo të paktën nuk është “sekret”.
Kërkesat e njëpasnjëshme në qeveri tek KM Rama, Min. Gogu dhe drejtoresha e Burgjeve kanë rënë në vesh të shurdhër.
Është evidente ajo që thonë të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike.
Ju kërkoj të aprovoni operacionin tim në Tiranë, pranë mjekut tim dhe familjes sime.
Socialisti “me duar të lidhura”.
Erion Veliaj
Lexo edhe
POLITIKE
Kamberi: Vuçiç mund të bëjë zhurmë në kuvend, por nuk mund ta fusë në krizë institucionale Serbinë

Përqafimi i çuditshëm/ Kryeministri belg 'gozhdon' Ramën: Dëgjojeni atë se ai di gjithçka për rusët

Vata: Rama braktis Klosin dhe Matin, miliarda për repartin ushtarak, zero lekë për spitalin

Binaj apo Alimehmeti?/ Këlliçi: Binaj u nxitua! Bushati: Më mirë Binaj sesa ai që rri mbrapa derës dhe pret...

‘Rama bën show në Berlin, Europa bashkëpunon me narkoshtetin’/ Nesho: BE ka humbur seriozitetin dhe rolin botëror





