Irani vendos kushte për marrëveshjen me SHBA-në, Araghchi kërkon garanci që lufta të mos rifillojë
Ministri i Jashtëm i Iranit, Abbas Araghchi, ka deklaruar se Teherani nuk do të pranojë një marrëveshje me Shtetet e Bashkuara vetëm për t’i dhënë fund tensioneve aktuale, duke kërkuar garanci konkrete se një konflikt i ri nuk do të shpërthejë në të ardhmen. Në një intervistë për gazetën shtetërore iraniane Iran, Araghchi theksoi se […]

Ministri i Jashtëm i Iranit, Abbas Araghchi, ka deklaruar se Teherani nuk do të pranojë një marrëveshje me Shtetet e Bashkuara vetëm për t’i dhënë fund tensioneve aktuale, duke kërkuar garanci konkrete se një konflikt i ri nuk do të shpërthejë në të ardhmen.
Në një intervistë për gazetën shtetërore iraniane Iran, Araghchi theksoi se çdo marrëveshje duhet të ofrojë siguri afatgjatë dhe të mos shërbejë thjesht si një zgjidhje e përkohshme. Ai kujtoi se armiqësitë rifilluan vetëm 15 ditë pas marrëveshjes së armëpushimit të qershorit.
“Çfarë kuptimi ka arritja e një marrëveshjeje sot, nëse ajo shkelet dy muaj më vonë dhe lufta rifillon?”, deklaroi kryediplomati iranian.
Një nga çështjet kryesore të negociatave mbetet programi bërthamor i Iranit. Araghchi bëri të qartë se Teherani nuk është i gatshëm të heqë dorë nga rezervat e uraniumit të pasuruar në territorin e tij, duke e konsideruar këtë një vijë të kuqe në negociatat me Uashingtonin.
Sipas tij, ndërmjetësit kanë paraqitur disa propozime për zgjidhjen e çështjes së uraniumit, por kjo temë nuk mund të trajtohet e shkëputur nga kërkesat e tjera të palëve.
Pavarësisht mosmarrëveshjeve, ministri iranian la të hapur mundësinë e një zgjidhjeje diplomatike, duke theksuar se ekziston hapësirë për një marrëveshje të drejtë, nëse respektohen qëndrimet e Teheranit.
Propozimet e ndërmjetësve do të shqyrtohen nga komiteti negociues i Këshillit Suprem të Sigurisë Kombëtare të Iranit, përpara se vetë Këshilli të marrë vendimin përfundimtar.
Deklaratat e Araghchi-t tregojnë se negociatat bërthamore mbeten të kushtëzuara nga dy çështje themelore: garancitë e sigurisë për Iranin dhe e ardhmja e programit të tij të pasurimit të uraniumit.
Lexo edhe
BOTA
Skandali i Nvidia-s merr përmasa ndërkombëtare, në hetim rrjeti i kompanive që dyshohet se furnizonte Kinën me teknologji amerikane

Mediat boshnjake: Radoiçiçi mund të jetë i fshehur në Bosnje

"Babi, mos më qëllo"/ 34-vjeçari vret gruan dhe tre më të dashurit e tij

Tronditje për Pedro Sánchez! Kundërshtari konservator shihet si fitues përballë kryeministrit spanjoll pas debatit televiziv

Moska akuzon BE-në: Po i bën presion Serbisë që t'u bashkohet sanksioneve kundër Rusisë





