“Kamikazi” rrezikon familjen në Mamurras/ Parakalon dhe i pret rrugën shoferit me dy fëmijë në makinë

Një manovër e rrezikshme në rrugë, që mund të kishte përfunduar me pasoja të rënda, është regjistruar në Mamurras.
Në një video të mbërritur në redaksinë e Piranjat News, shihet një automjet që parakalon në mënyrë të rrezikshme një makinë tjetër dhe më pas frenon papritur përpara saj, duke i rrezikuar lëvizjen.
Denoncuesi pretendon se në automjetin e tij ndodheshin edhe dy fëmijë të vegjël në momentin e incidentit. Ai shprehet i shqetësuar për sjelljen e drejtuesit të mjetit dhe kërkon që rasti të bëhet publik.
Ngjarja, sipas tij, ka ndodhur të dielën, më 15 nëntor, pranë karburantit “Eri” në Mamurras. Pamjet janë regjistruar nga kamera e makinës.
Piranjat News publikon denoncimin dhe kërkon ndërgjegjësim për rrezikun që sjellin manovrat e tilla në rrugë dhe përgjegjësi nga personat që shkaktojnë rrezik në rrugë./ Piranjat News
Lexo edhe
AKTUALITET
“Rrezik për sulme terroriste dhe kriminalitet në vendet me grumbullime”/ Ambasada e SHBA-së në Tiranë lëshon alarm sigurie

Karrotrecat dëmtojnë asfaltin në fshatin Tregtan, në Has
Siguracion edhe për monopatinat! Ligji i ri zgjeron mbrojtjen për përdoruesit e rrugës

Zbulohen 3 plantacione kanabisi në belgjikë, arrestohen 6 shqiptarë

Alarm për përmbytje në veri të vendit, qarqet më të rrezikuara





