“Rrezik për sulme terroriste dhe kriminalitet në vendet me grumbullime”/ Ambasada e SHBA-së në Tiranë lëshon alarm sigurie
Ambasada e SHBA-së në Tiranë ka publikuar më 18 nëntor një alarm sigurie për qytetarët amerikanë në të gjithë Evropën, në prag të festave të fundvitit

Ambasada e SHBA-së në Tiranë ka publikuar më 18 nëntor një alarm sigurie për qytetarët amerikanë në të gjithë Evropën, në prag të festave të fundvitit. Ajo u kërkon të tregojnë kujdes të shtuar gjatë aktiviteteve festive dhe në zonat turistike të mbushura me njerëz, për shkak të rrezikut të sulmeve terroriste dhe veprimtarisë kriminale.
Sipas njoftimit, sulmet mund të ndodhin me pak ose aspak paralajmërim. Ambasada përmend tregjet, qendrat tregtare, nyjet e transportit dhe vendet e kultit si hapësira publike ku vizitorët duhet të jenë veçanërisht të vëmendshëm. Ajo i këshillon të ndjekin udhëzimet e policisë dhe të shërbimeve të emergjencës.
Njoftimi tërheq vëmendjen edhe te ndërprerjet e mundshme të udhëtimeve gjatë festave. Sipas ambasadës, grevat dhe protestat janë bërë më të shpeshta muajt e fundit, ndërsa gjatë nëntorit kërcënimet e rreme për bomba kanë shkaktuar ndërprerje të fluturimeve në disa vende evropiane.
Ambasada u rekomandon qytetarëve amerikanë të ndjekin lajmet lokale gjatë udhëtimit dhe të regjistrohen në programin STEP për të marrë njoftime sigurie për vendin ku ndodhen.
Lexo edhe
AKTUALITET
Karrotrecat dëmtojnë asfaltin në fshatin Tregtan, në Has
Siguracion edhe për monopatinat! Ligji i ri zgjeron mbrojtjen për përdoruesit e rrugës

Zbulohen 3 plantacione kanabisi në belgjikë, arrestohen 6 shqiptarë

Alarm për përmbytje në veri të vendit, qarqet më të rrezikuara

Ligji i ri do të shkaktojë “tërmet” në tregun e sigurimeve, të paktën 3 kompani rrezikojnë të dalin nga loja

Rasti me malaria në Shqipëri/ I prekuri nga Afrika, po trajtohet në Spitalin Infektiv

‘Shifra skandaloze të largimit të studentëve’/ Mehmeti: Qeveria Rama pa asnjë skemë mbështetëse

Hidhet shorti në GJKKO/ Kush është gjyqtarja që ka në duar “fatin” e Belinda Ballukut





