Kthjellime dhe vranësira kalimtare, ja si do të jetë moti sot në vend

Shqipëria do të ndikohet nga kushte atmosferike të qëndrueshme, duke sjellë mot kryesisht të kthjellët, por edhe vranësira kalimtare në pjesë të ndryshme të territorit.

 Sipas parashikimit meteorologjik, gjatë ditës pritet të mbizotërojnë kthjellimet, ndërsa vranësirat do të jenë të përkohshme.

Era do të fryjë nga drejtimet verilindje-veriperëndim, me shpejtësi mesatare deri në 8 metra në sekondë.

 Sa i përket kushteve detare, valëzimi në detet Adriatik dhe Jon parashikohet të jetë i ulët, me forcë 1 deri në 2 ballë.