Merkatoja e janarit/ Højbjerg jep “ok” për Juventusin, danezi pritet të jetë përforcimi i madh
Pierre-Emile Højbjerg ka dhënë “ok” e tij për t’u transferuar te Juventus gjatë merkatos së janarit, sipas Telesport

Pierre-Emile Højbjerg ka dhënë “ok” e tij për t’u transferuar te Juventus gjatë merkatos së janarit, sipas Telesport. Mesfushori danez është një objektiv i vjetër i bardhezinjve, të cilët e kanë kërkuar edhe më parë. Tani janë pjekur kushtet për të bërë të mundur transferimin e tij.
Kjo vjen duke përfituar edhe nga gjendja aspak e mirë financiare që po kalon Olimpique Marseille. Ky është transferimi i Højbjerg që pritet të finalizohet në merkaton e janarit, sipas të njëjtit burim. Arsyeja kryesore e këtij hapi është dëshira e lojtarit për të nisur një aventurë të re në një ekip dhe ligë konkurruese.
Përveç kësaj, peshojnë edhe problemet e vazhdueshme financiare të klubit francez. Højbjerg iu bashkua sektorit të të rinjve të Bayern Munich nga Copenhagen në verën e vitit 2012. Debutimin e tij me ekipin e parë e bëri nën drejtimin e Jupp Heynckes, në prill të vitit 2013.
Pasuesi i Heynckes, Pep Guardiola, e vlerësoi atë publikisht, por Højbjerg nuk arriti kurrë të siguronte një vend të qëndrueshëm te Bayern. Më pas filluan huazimet dhe transferimet e njëpasnjëshme në disa klube dhe kampionate të ndryshme. Në verën e vitit 2025 u transferua nga Tottenham te Marseille për 20 milionë euro, ndërsa sot vlera e tij në treg sipas Transfermarkt është 15 milionë euro.
Lexo edhe
SPORT
Gjoba dhe përjashtime/ Disiplina nuk fal: Ja klubet dhe lojtarët që u dënuan

“Është fantastik”, Guardiola kurorëzon Klopp: Do rikthejë Gjermaninë te suksesi

Kane “bekon” Olise, por nuk vendos limite: Dua sërish Topin e Artë

17-vjeçari me prejardhje kosovare udhëheq Australinë në triumfin 2-0 ndaj Argjentinës

UEFA ndëshkon Kosovën për ndeshjen me Izraelin

Guardiola për Klopp: Një nga më të mirët në botën e futbollit

Xherdan Shaqiri zbulon prapaskenat e festës me shqiponjë ndaj Serbisë në Botërorin 2018: Kishte shumë presion

Golashënuesi shqiptar Shpendi, në radarët e ekipit të Serisë A





