Milan, kapiteni e Liverpulit, objektiv për merkaton e verës

Ekipi italian i Milanit po planifikon investime të rëndësishme në repartin e mbrojtjes, duke synuar dyshen Gonçalo Inacio dhe Virgil Van Dijk.

Për merkaton e janarit, objektivi kryesor i trajnerit Amorim është kapiteni i Sporting Lisbon, i cili konsiderohet i përsosur për stilin e lojës së teknikut portugez. Klubi luzitan kërkon të përfitojë nga klauzola e lirimit prej 60 milionë eurosh, por drejtuesit shpresojnë të gjejnë një marrëveshje për një shifër disi më të ulët.

Ndërkohë, për merkaton e verës po merr jetë sugjerimi i madh për të afruar holandezin Van Dijk, i cili pritet të largohet si lojtar i lirë nga Liverpool pas skadimit të kontratës. Gjatë grumbullimit me kombëtaren e tij ditët e fundit, qendërmbrojtësi 35-vjeçar la të hapur mundësinë e një largimi nga “Reds”.

Te Milani e vlerësojnë jashtëzakonisht shumë profilin e tij, duke e parë si elementin ideal për t’i sjellë eksperiencë dhe personalitet prapavijës kuqezi. Megjithatë, për të bindur ish-lojtarin e Southampton, do të nevojitet një projekt serioz me ambicie të qarta për titullin kampion, si dhe mposhtja e konkurrencës së ashpër, sidomos nga klubet turke.