Sulmuesi i ri, Esposito, barazon dhe kalon disa nga legjendat e Italisë

Pas dygolëshit vendimtar në fitoren historike 3-1 të Italisë ndaj Francës në San Siro, 21-vjecari Francesco Pio Esposito ka arritur kuotën e 9 golave në vetëm 14 paraqitje me kombëtaren, duke barazuar dhe kaluar disa prej figurave më legjendare të futbollit italian në një moshë kaq të re.

Ndërkaq, Esposito barazon Francesco Tottin. Esposito ka arritur tashmë 9 gola me fanellën e Italisë në vetëm 14 ndeshje. Për të arritur të njëjtën kuotë golash, legjendës së Romës iu deshën 58 paraqitje, plot 44 ndeshje më shumë se sulmuesi i ri. 

Gjithashtu ai ka kapur një rekord historik në 14 ndeshjet e para. Ai është bërë lojtari i parë në historinë e kombëtares italiane që shënon të paktën 9 gola në 14 paraqitjet e tij të para me ekipin e parë. 
Gjithashtu ka kaluar Christian Vierin. Me këtë ritëm dhe shifër golash në këtë moshë, ai ka lënë pas edhe emra të mëdhenj të sulmit italian si ish-sulmuesin e Interit. 
Gjithashtu, Esposito tashmë është shumë afër legjendës Giuseppe Meazzës. Për nga numri i golave të shënuar nën moshën 22-vjeçare, ai renditet i dyti në histori, duke mbetur pas vetëm mitit Giuseppe Meazza, i cili kishte realizuar 11 gola në atë moshë. /ORANEWS