Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shembja e banesave me banorët brenda/ Bashkia Rrogozhinë zgjohet pas ndërhyrjes së Piranjave “Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu...
POLITIKE

Territorialja votohet të enjten në Kuvend, Boçi: Do të thellojë shpopullimin e vendit

P
Piranjat 6 October 2026, 16:21 · 3 min lexim
Territorialja votohet të enjten në Kuvend, Boçi: Do të

Deputeti i Partisë Demokratike, Luçiano Boçi, ka kundërshtuar projektligjin e Partisë Socialiste për reformën territoriale, duke deklaruar se ndryshimet e propozuara nuk zgjidhin problematikat e pushtetit vendor.

I ftuar në "News 24, Boçi", njëherësh bashkëkryetar i komisionit të ngritur për reformën territoriale, tha se mënyra se si është proceduar me draftin tregon se bëhet fjalë për një vendim politik.

“Kjo tregon se është një vendim politik, që ishte i dukshëm që kur u ngrit komisioni i reformës dhe u përvijua edhe nga mënyra e sjelljes së mazhorancës. Projektligji që solli një grup deputetësh bën ndarje të hartës dhe jo reformë. Reforma nënkupton rregullimin e pushtetit vendor. Kjo është një lloj përsëritjeje e reformës së vitit 2014, siç e ka pohuar edhe vetë Rama”, u shpreh Boçi.

Sipas deputetit demokrat, mazhoranca nuk ka reflektuar mbi pasojat që, sipas tij, solli reforma e vitit 2014. Boçi e lidhi organizimin territorial edhe me shpopullimin dhe vështirësinë e qytetarëve për të marrë shërbime pranë vendbanimeve të tyre.

“Rama që në vitin 2014 donte të kishte 46-47 bashki. Ishte ndërhyrja e partisë aleate që shtoi 15 bashki të tjera. Nuk ka reflektim, ndërkohë që një nga pasojat që ka sjellë reforma e vitit 2014 është shpopullimi. Krahas kësaj është mungesa e shërbimeve dhe distanca që ka qytetari nga shërbimi që ofron bashkia”, deklaroi ai.

Deputeti u ndal më tej te lëvizjet e popullsisë dhe largimi i qytetarëve jashtë vendit. Sipas tij, shpopullimi tashmë nuk është një fenomen që prek vetëm zonat rurale.

“Lëvizja e brendshme e popullsisë është në nivele të vogla, ndërsa lëvizja jashtë është në nivelet 80-90%. Vetëm Tirana rezulton me rritje të popullsisë me 15 mijë banorë. Qarqet e tjera kanë humbur shumë banorë. Shqiptarët janë larguar përtej kufijve sepse nuk kanë shërbime”, tha Boçi.

Ai theksoi se mungesa dhe cilësia e shërbimeve, si dhe distanca nga institucionet vendore, kanë ndikuar në pakënaqësinë e qytetarëve.

“Shpopullimi ka prekur jo vetëm zonat rurale, por edhe zonat urbane. Pakënaqësia është te mungesa e shërbimeve, distanca e madhe dhe cilësia e ulët e atyre shërbimeve që ekzistojnë. Nëse këta shohin ëndrra me Zvicrën, me banorë që migrojnë brenda vendit, ose kemi një kënaqësi idiote, ose kemi mashtrim publik. Kjo është mënyra se si justifikohet Rama”, u shpreh ai.

 

 

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.