Vrau shqiptarin dhe e fshehu trupin në pus, 29-vjeçari italian: Jam penduar, nuk doja ta vrisja “Jam penduar, nuk doja ta vrisja. Gjithç...
Partia Demokratike ka kërkuar hetim urgjent për shantazhin mafioz të Edi Ramës ndaj Erion Veliajt, duke deklarua se ky i fundit ësht&eu...
Letra e publikuar sot nga kryebashkiaku i Tiranës, Erion Veliaj, lidhur me vizitën e ministrit të Drejtësisë, Toni Gogu në burgun ...
Kryeministri Edi Rama është përballur me pyetje të drejtpërdrejta për korrupsionin në radhët e zyrtarëve të ti...
Këshilli i Lartë Gjyqësor ka propozuar rritje të numrit të gjyqtarëve në vend për të ndihmuar në uljen e stoku...
Tre personat e arrestuar për shpërthimin tragjik në zonën e Plakës, në Athinë, janë lënë në burg të ...
Guardia Civil po heton origjinën e një ngarkese të madhe kokaine, e zbuluar gjatë kësaj fundjave në dy magazina në zonën...
Kryebashkiaku i Tiranës, Erion Veliaj, ka reaguar pas debatit të krijuar mbi takimin e tij me ministrin e Drejtësisë, Toni Gogu, në bu...
16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
Presidenti amerikan Donald Trump ka deklaruar se do të mbrojë miliarderin Elon Musk në rast se demokratët nisin hetime ndaj tij pas zgjedhje...
Vetëm 20 vjeçe ishte bashkëpilotja e avionit privat Learjet 60, i cili u rrëzua një ditë më parë në një zonë të banuar në Florida të SHBA-së, duke shkaktuar vdekjen e të nëntë personave që ndodheshin në bord.
Bëhet fjalë për Natalia Gadelha, një e re që kishte arritur të merrte licencën e pilotimit përpara se të përfundonte shkollën e mesme. Ajo ëndërronte të ndërtonte një karrierë profesionale në aviacion. Sipas raportimeve, zëri i saj dëgjohet në komunikimet e fundit dramatike me kullën e kontrollit, pak sekonda përpara përplasjes fatale.
Historia e saj kishte tërhequr vëmendjen e mediave lokale në Florida që në tetor të vitit 2023, kur, në moshën vetëm 17-vjeçare, arriti të merrte licencën për pilotimin e avionëve privatë.
Identiteti i saj u bë publik pas konfirmimit nga nëna, Camila, dhe njerku i saj për gazetën New York Post.
20-vjeçarja ndodhej në kabinën e pilotimit të Learjet 60, i cili ishte nisur nga Austin, Teksas, me destinacion Bahamas, kur pësoi një humbje dramatike të lartësisë dhe u rrëzua në kontenë Palm Beach.
Sipas të dhënave të fluturimit, avioni nisi të humbiste lartësi me një shpejtësi që kalonte 20 mijë këmbë në minutë, përpara se të përplasej në tokë dhe të përfshihej nga flakët. Pamjet audio të komunikimit mes ekuipazhit dhe kontrollorëve ajrorë zbulojnë thirrjet e dëshpëruara për ndihmë në momentet e fundit.
Mori licencën e pilotimit në moshën 17-vjeçare
Historia e Natalia Gadelha kishte tërhequr vëmendjen e mediave lokale në Florida që në tetor të vitit 2023, kur, vetëm 17 vjeçe, arriti të merrte licencën e pilotimit për avionët privatë.
E veçanta ishte se vajza mund të pilotonte avionë, ndërkohë që ende nuk kishte marrë patentën e drejtimit të automjetit.
"Sigurisht që jam krenare për këtë, sepse kur më thonë: 'Por ti nuk mund të drejtosh makinën', unë u përgjigjem: 'Po, por mund të pilotosh një avion'", ishte shprehur ajo duke qeshur në një intervistë për televizionin CBS12.
Gadelha ishte rritur në kontenë Palm Beach dhe kishte ndjekur studimet në shkollën e mesme West Boca Raton. Që në moshë të vogël kishte nisur të merrej seriozisht me aviacionin.
Ajo kishte treguar se i kishte nisur mësimet e fluturimit në vitin 2020, ndërsa një rol të rëndësishëm në pasionin e saj për avionët kishte luajtur edhe babai, i cili kishte filluar të mësonte pilotimin në vitin 2018, fillimisht si një hobi.
Pas përfundimit të përgatitjes teorike, Natalia nisi fluturimet e përditshme, duke grumbulluar 88 orë fluturimi dhe duke kaluar me sukses provimet e nevojshme për marrjen e licencës.
Shpenzimet për licencën e saj ishin mbuluar nga Akademia e Aviacionit e distriktit shkollor të Palm Beach, në kuadër të një programi arsimor të nisur në vitin 2023.
"Disa mendojnë se është e çuditshme që mund të pilotoj, por nuk mund të drejtoj makinën"
Bashkëpilotja e re kishte folur me entuziazëm për rrugëtimin e saj të pazakontë, duke treguar se i pëlqente të ishte ndryshe nga bashkëmoshatarët e saj.
"Më pëlqen të jem ndryshe nga të tjerët. Për mua është diçka shumë e bukur, sepse nuk është një mundësi që të jepet shpesh", kishte deklaruar ajo.
Në një pjesë tjetër të intervistës, ajo kishte folur me humor për faktin se kishte mësuar fillimisht të pilotonte avionë dhe më pas të drejtonte makina.
"Thjesht nuk e mora patentën e makinës dhe kështu përfunduan gjërat. Unë gjithsesi e shoh si diçka shumë të bukur. Disa njerëzve u duket e çuditshme që mund të pilotosh avionë, por nuk mund të drejtosh një makinë. Dua të them, mund ta drejtoj, por shumë njerëzve u duket qesharake. Edhe mua më duket për të qeshur, megjithëse tani dua shumë të marr edhe patentën e drejtimit", ishte shprehur ajo.
Ëndrra e saj e madhe ishte të bëhej pilote profesioniste dhe një ditë të ulej në kabinën e pilotimit të avionëve të pasagjerëve të linjave ajrore tregtare.
Gjatë formimit të saj profesional, Natalia ishte diplomuar në shkollën e aviacionit American Flyers, me seli në Addison të Teksasit dhe një degë në Pompano Beach të Floridës.
Aviacioni ishte gjithashtu pjesë e rëndësishme e jetës familjare. Nëna e saj publikonte shpesh në rrjetet sociale fotografi nga fluturimet familjare me avionë privatë.
Fluturimi fatal dhe rrëzimi në zonën e banuar
Aksidenti ndodhi mesditën e së dielës, më 1 nëntor, kur avioni Learjet 60, që po fluturonte nga Teksasi drejt Bahamas, nisi të humbiste papritur lartësi mbi zonën e Greenacres, në kontenë Palm Beach.
Pak para rrëzimit, ekuipazhi kishte komunikuar me kontrollorët e trafikut ajror, duke raportuar kushte të vështira atmosferike, me turbulenca, reshje shiu dhe formim akulli në avion.
Situata u përkeqësua me shpejtësi, kur avioni hyri në një zbritje të pakontrolluar. Në komunikimin e fundit, një pjesëtare e ekuipazhit paralajmëron se avioni është drejt përplasjes me tokën.
Regjistrimet audio të komunikimit me kullën e kontrollit dokumentojnë momentet dramatike, ndërsa avioni humbiste lartësi në mënyrë të pakontrolluar dhe ekuipazhi kuptonte se përplasja ishte pothuajse e pashmangshme.
"Dreq, nuk kemi më kohë"
Gjithçka nisi kur Learjet 60, që po kryente një fluturim privat nga Teksasi drejt Bahamas, ndodhej në një lartësi prej 35 mijë këmbësh, rreth 10 670 metrash.
Ekuipazhi njoftoi kontrollorët për turbulenca, reshje shiu dhe formim akulli, duke kërkuar të ngjitej edhe 2 mijë këmbë më lart.
Fillimisht, gruaja nga ekuipazhi i përshkroi kushtet si të përballueshme, duke folur për "turbulenca mesatare" dhe "formim të lehtë akulli".
Por brenda pak çastesh, situata ndryshoi në mënyrë dramatike.
"Po humbasim lartësi me një shpejtësi prej 8 mijë këmbësh në minutë. Mayday, Mayday, po humbasim 10 mijë këmbë në minutë", dëgjohet të bërtasë ajo.
Zbritja bëhej gjithnjë e më e fortë, ndërsa avioni po arrinte shpejtësi përtej kufijve të sigurisë.
"Kemi tejkaluar kufijtë e shpejtësisë, po zbresim me 20 mijë këmbë në minutë", vijon të thotë gruaja, ndërsa zëri i saj pasqyron panikun e momenteve të fundit.
Më pas vjen fjalia që tregon se ekuipazhi e kishte kuptuar rrezikun fatal.
"Do të përplasem në tokë", dëgjohet të thotë ajo, përpara se të lëshojë një britmë.
Në anën tjetër të komunikimit, kontrollori përpiqet të mbajë kontaktin me të.
"Jam këtu me ju, më flisni", i thotë ai.
Përgjigjja e fundit nga kabina e pilotimit është edhe më tronditëse.
"Po zbresim me 22 mijë këmbë, kemi marrë një pjerrësi prej 60 gradësh... Shiko jashtë".
Menjëherë pas kësaj dëgjohet fjalia që do të ishte e fundit:
"Dreq, nuk kemi më kohë"
? AUDIO: N722BD with Miami Center in the final minutes before the Learjet 60 went down in Greenacres, FL. It starts like routine radio traffic: ATC passes along rides ahead and the temperature, and gives the crew altitude at their discretion. The crew reports descending and says they’re direct Freeport. Then the weather comes up. The crew says they’re managing turbulence and picking up precipitation. Soon after, the transmissions change: they declare an emergency and say “we are banking.” Near the end, you hear “descending ten thousand” and ATC repeating the callsign, “November seven two two bravo delta.” Flightradar24 data shows the jet falling at more than 32,000 ft/min from 8,750 ft. Nine people were aboard. ?liveatc
— Aviation Reporter (@TripppleSeven7) November 1, 2026
Rreth 35 sekonda pas sinjalit të parë të emergjencës, komunikimi u ndërpre dhe avioni u rrëzua.
Pamjet filmike tregojnë Learjet-in duke kryer një zhytje pothuajse vertikale përpara se të përplasej me shpejtësi të madhe pranë një rruge kryesore në qytetin Greenacres, vetëm pak metra larg automjeteve që po qarkullonin.
Nga përplasja u krijua një top i madh zjarri, ndërsa në vendngjarje u formua një krater i madh dhe pjesë të avionit u shpërndanë në një distancë të konsiderueshme.
"Ishte sikur të binte një raketë", deklaroi guvernatori i Floridës, Ron DeSantis, duke përshkruar skenën e katastrofës.
Autoritetet amerikane kanë nisur hetimet për të përcaktuar shkaqet e tragjedisë, duke shqyrtuar ndër të tjera kushtet atmosferike dhe raportimet e ekuipazhit për formimin e akullit në avion.
Deri më tani nuk është përcaktuar se çfarë shkaktoi humbjen e kontrollit dhe rënien e pakontrolluar të avionit.
Të nëntë personat që ndodheshin në bord humbën jetën. Hetimet po kryhen nga autoritetet amerikane të aviacionit dhe Bordi Kombëtar i Sigurisë së Transportit (NTSB), ndërsa ende nuk ka një përfundim zyrtar për shkaqet e aksidentit. /PiranjatNews/
WATCH: Dashcam video captures the crash of a $2 million Learjet 60 (N722BD) in Palm Springs, Florida. https://t.co/8jmiOMG9ys
— Scope Report (@ScopeReport_) November 1, 2026
Ukraina ka nisur përdorimin e një droni të projektuar posaçërisht për evakuimin e ushtarëve të plagosur nga fusha e be...
Davor Macura, pronari i Alta Bankës në Serbi dhe mik me Aleksandar Vuçiç, u ndalua nën dyshimin se ka nxjerrë në mën...
Presidenti amerikan Donald Trump ka shprehur bindjen se republikanët do të arrijnë rezultate të mira në zgjedhjet e mesit të manda...
Koreja e Veriut ka testuar një kokë luftarake me bomba thërrmuese, e projektuar për t’u vendosur në raketat balistike me rreze t&...
Presidenti amerikan Donald Trump ka deklaruar se do të mbrojë miliarderin Elon Musk në rast se demokratët nisin hetime ndaj tij pas zgjedhje...
Autoritetet franceze pezulluan sot importin dhe shitjen e prezervativëve ultra të hollë prej lateksi për meshkuj të prodhuar nga kompan...
Presidenti amerikan Donald Trump ka deklaruar se do të mbrojë miliarderin Elon Musk në rast se demokratët nisin hetime ndaj tij pas zgjedhje...
Shteti i Katarit fitoi nderin e organizimit së Kupës së Botës së Basketbollit FIBA 2027, në takimin e 28 Prill 2023 të Federa...
Gazetarja e njohur britanike Laura Kuenssberg ka zbuluar një episod të pazakontë nga karriera e saj, duke treguar se një ministër brita...
Një valë e re moti të keq ka përfshirë disa zona të Greqisë, ku reshjet e dendura të shiut dhe stuhitë pritet t&eum...
