I riu u rrëmbye për një gërvishtje makine? Policia e Kukësit jep versionin e saj për ngjarjen

Policia ka përgënjeshtruar lajmin e publikuar në rrjetet sociale për rrëmbimin e një të riu nga Kukësi, duke sqaruar se ai nuk është mbajtur peng në pyll, megjithatë konfirmon konfliktet e ndodhura.
Sipas policisë, më 20 nëntor 2026, shtetasi V. D. është konfliktuar fizikisht me dy persona në qytetin e Kukësit dhe ka bërë kallëzim në polici.
Më vonë, teksa udhëtonte me automjetin e tij në rrugën e Hasit, dy personat i kanë dalë përpara, kanë goditur makinën me sende të forta dhe kanë sulmuar edhe atë.
Në automjet ndodhej edhe një punonjës policie, i cili ndërhyri për të neutralizuar konfliktin dhe kërkoi përforcime.
Dy autorët e dyshuar, S. J. dhe S. J., xhaxha e nip, janë shpallur në kërkim, ndërsa vijojnë hetimet për dokumentimin e plotë të ngjarjes.
Reagim i Drejtorisë Vendore të Policisë Kukës:
Në lidhje me një lajm të publikuar në rrjetet sociale, ku pretendohet për një të ri nga Kukësi, i cili pas një konflikti për motive të dobëta me dy shtetas është rrëmbyer dhe mbajtur në pyll, sqarojmë opinionin publik se lajmi është i pavërtetë.
Sqarojmë se, më datë 20.11.2026, shtetasi V. D., në qytetin e Kukësit, ishte konfliktuar fizikisht me dy shtetas dhe për këtë rast kishte bërë kallëzim në DVP Kukës.
Më pas, ky shtetas ka qenë duke udhëtuar me automjetin e tij dhe, në rrugën e Hasit, dy shtetasit me të cilët ishte konfliktuar në Kukës i kanë dalë përpara automjetit dhe kanë goditur me sende të forta automjetin dhe vetë shtetasin V. D.
Me shtetasin V. D. ndodhej edhe një punonjës policie, i cili ka ndërhyrë për të neutralizuar përshkallëzimin e konfliktit dhe ka kërkuar ndihmën e shërbimeve të tjera të Policisë.
Shtetasit S. J. dhe S. J., (xhaxha e nip)
pas ndërhyrjes së punonjësit të Policisë, janë larguar menjëherë nga vendngjarja dhe janë shpallur në kërkim, ndërsa vijon puna për lokalizimin dhe kapjen e tyre.
Grupi hetimor, nën drejtimin e Prokurorisë, vijon veprimet për dokumentimin e plotë ligjor të rastit.
Lexo edhe
AKTUALITET
Alarmi për bombë në avionin Manchester–Rinas, policia sqaron ngjarjen

Panik në fluturimin Manchester-Tiranë të Ryanair, alarm për bombë në avion, pasagjerët gjejnë shënimin

EMRI/ I akuzuar si pjesë e grupit të Rrajave, kush është i burgosuri që izolohet në regjimin në 41 BIS

Berisha: Ramën s’do na e largojnë të huajt! Mos prisni gjë as nga SPAK-u i PS-së

26 milionë eurot e sekuestruara në kriptomonedha, si u kthyen fajdet dhe kriptovalutat në një rrezik kriminal në Shqipëri





