Nënkryetari i Kuvendit të Shqipërisë, Agron Gjekmarkaj, zhvilloi një takim në Parlamentin e Kroacisë me nënkryetarin e...
POLITIKE
Reforma territoriale/ Këshilli Bashkiak i Durrësit miraton propozimin e PS-së, opozita largohet nga mbledhja
PiranjatPërditësimi i fundit 6 Tetor 2026, 17:24
Këshilli Bashkiak i Durrësit ka miratuar ditën e sotme projektvendimin për reformën e re territoriale të propozuar nga Partia Socialiste, ndërsa këshilltarët e opozitës janë larguar nga salla para procesit të votimit.
Gjatë diskutimeve, përfaqësuesit e PD-së dhe PL-së kundërshtuan ndryshimet e propozuara, duke thënë se ndarja aktuale e territoreve ka krijuar distancë mes qytetarëve dhe shërbimeve që ofron pushteti vendor.
Ata kërkuan që në mbledhje të paraqitej edhe alternativa e propozuar nga Partia Demokratike, ndërsa projektpropozimi i mazhorancës parashikon uljen e numrit të bashkive në rang vendi, nga 61 që janë tani në 46.
Por, ndryshimet nuk parashikojnë riformatim të territorit të Bashkisë Durrës, ndërsa gjatë mbledhjes, disa këshilltarë socialistë dhe përfaqësues të partive aleate kërkuan rikthimin e Manzës dhe Sukthit në statusin e qytetit, duke kërkuar një riorganizim të statusit të këtyre njësive.
Në përfundim, projektvendimi për reformën territoriale u miratua me 28 vota të këshilltarëve të majtë të pranishëm në sallë, ku edhe pesë pikat e rendit të ditës morën miratimin e këshillit. Ndërkohë, jashtë godinës së Bashkisë Durrës u zhvillua një protestë kundër ndryshimeve të propozuara territoriale.
