Gruaja josh mikun 54-vjeçar në një vilë të izoluar/ E mban peng për 15 orë, e lidh në karrige dhe e kërcënon me…

Një 54-vjeçar është shpëtuar nga policia spanjolle pasi u josh drejt një vile të izoluar, ku u mbajt për 15 orë, u lidh në një karrige, u dhunua dhe u kërcënua me vdekje.
Sipas autoriteteve, burri u mashtrua nga një grua që e konsideronte mikeshë. Ajo i kërkoi ta merrte pranë zonës së Montserratit, në rajonin e Valencias, dhe ta transportonte me makinë drejt banesës ku po qëndronte.
Kur mbërriti në vendin e takimit, 54-vjeçari vuri re se gruaja shoqërohej nga një tjetër burrë, të cilin e njihte shumë pak. Të dy i kërkuan t'i dërgonte me makinë në vilë, ku i priste një person i tretë. Në atë moment, viktima kuptoi se kishte rënë në një kurth.
Sapo mbërritën në vilë, pengmarrësit e lidhën me litarë, e rrahën dhe e kërcënuan me një hanxhar të madh, përpara se ta detyronin të hynte brenda. Sipas Gardës Civile, gjatë gjithë kohës ai u dhunua fizikisht, iu mohua gjumi dhe u kërcënua vazhdimisht me armë të ftohta.
Nën presion, burri u detyrua të regjistronte disa video drejtuar familjarëve të tij, ku pretendonte se ishte mirë. Pengmarrësit synonin të shmangnin dyshimet e të afërmve dhe të pengonin nisjen e kërkimeve për të.
Autoritetet u vunë në dijeni pasi 54-vjeçari arriti të kontaktonte për pak çaste familjen, duke kërkuar ndihmë dhe duke dhënë disa të dhëna për vendndodhjen e tij, në një zonë të largët të Montserratit.
Pas marrjes së informacionit, efektivët nisën kërkimet, lokalizuan vilën dhe arritën të shpëtonin pengun, i cili kishte pësuar dëmtime të shkallëve të ndryshme.
Dy persona të dyshuar për përfshirje në ngjarje u arrestuan në vendngjarje. Bëhet fjalë për një grua 41-vjeçare dhe një burrë 54-vjeçar, të cilët akuzohen për privim të paligjshëm të lirisë.
Gjatë operacionit, policia sekuestroi disa armë të ftohta me përmasa të mëdha, si dhe sende të tjera që dyshohet se janë përdorur gjatë rrëmbimit.
Sipas hetimeve paraprake, ngjarja mund të ketë lidhje me një konflikt të mëparshëm mes personave të përfshirë. Autoritetet vijojnë hetimet për të zbardhur motivin e plotë të rrëmbimit dhe për të përcaktuar nëse në ngjarje kanë marrë pjesë edhe persona të tjerë. /PiranjatNews/

Lexo edhe
BOTA
Stuhi shkatërruese në Brazil, 5 të vdekur dhe 265 të plagosur, dëme në mijëra banesa

Operacioni si në filma me helikopterë që qëllojnë nga ajri e mijëra njerëz të tmerruar/ Detaje nga arrestimi i bosit të drogës

Tre mjete fluturuese ruse ranë në territorin polak, NATO mblidhet me urgjencë pas incidentit ajror

Fotot në shtrat dhe vrasja e futbollistit/ Si u kthye festa e ditëlindjes në tragjedi

Djali i Milorad Dodik, mandatohet për formimin e qeverisë në Republika Srpska





