Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shqipëria ndan më pak të ardhura për më të varfrit se i gjithë rajoni Horoskopi/ Surpriza në dashuri për disa shenja, vështirësi financiare për të tjerat! Taksë qarkullimi apo rritje taksës së makinës, ku është pagesa më e drejtë? Shqipëria mbyll llogaritë, ngjitet në Ligën B, triumf me zemër ndaj Bjellorusisë Gazeta amerikane shpjegon pse u shty Samiti i NATO-s në Tiranë Rrjetet kineze të pastrimit të parave në shërbim të karteleve meksikane, si bashkëpunojnë me mafian shqipta... Ndjekja nga policia/ 40-vjeçari shqiptar gëlltit kokainën, në gjendje kritike në spital Kremlini: Nëse nuk do të ketë marrëveshje me Evropën, do të përdorim forcën! Vranë barbarisht studenten, mbrojtja rikthen çështjen në Gjykatën e Lartë. Ja prova për të riun shqiptar ... “Më kthe 5 eurot ose…”/ Zbardhet e vërteta mbi fatin e Artjol Ramajt. Trupin autori e hodhi në pyll për…... Rruga në Mallakastër e pakalueshme prej 8 vitesh/ Banorët denoncojnë dëmtimet nga transporti i druve Kishte ikur në mëngjes nga banesa - Gjendet pa shenja jete në lumin Devoll e moshuara
POLITIKE

‘Roni Yeffet dhe Arjeta Puca në Sudan’/ Saraçi: SPAK të verifikojë aktivitetin. Të thërrasë ministrin Nufi

P
Piranjat 1 October 2026, 21:34 · 5 min lexim
‘Roni Yeffet dhe Arjeta Puca në Sudan’/ Saraçi: SPAK

Gazetari Romir Saraçi, i ftuar në SYRI TV në emisionin “Cim Peka Live”, ka komentuar audio-përgjimin e publikuar sot, duke e lidhur komunikimin mes Roni Yeffet dhe ukrainases Tatiana me aktivitetin e kompanive të përfshira në tregtinë e armëve.

Sipas Saraçit, nga komunikimet del se Yeffet dhe Arjeta Puca kanë qenë të dy në Sudan për të arritur marrëveshje për sigurimin e armëve dhe sjelljen e tyre në Shqipëri.

Saraçi pretendon se plani konsistonte në sjelljen e armëve në Shqipëri, paketimin e tyre dhe më pas dërgimin drejt zonave të konfliktit, përfshirë Ukrainën.

Ai kërkoi që SPAK të verifikojë udhëtimet dhe aktivitetin e dy personave në Sudan, ndërsa i bëri thirrje edhe Ministrisë së Mbrojtjes të publikojë dokumentacionin mbi destinacionin e armëve të eksportuara.

Saraçi: Audio përgjimet, ajo që ka ndodhur në realitet, në shkresat zyrtare që janë fakte, janë prova dhe asaj që kanë deklaruar zyrtarët duket komplet historia e qartë që ne jemi përballë një rasti të pastër të trafikut të armëve nga një vend i cili është i sanksionuar, domethënë është nën embargon e NATO-s. Bëhet fjalë për kompaninë AAT, e cila është themeluar diku në muajin nëntor. Kompania e Roni Efet dhe Arjeta Pucës në bashkëpunim me ‘Kajon’ pastaj kanë themeluar, mos gaboj, UNO 18... diçka e tillë. Dhe është themeluar në muajin nëntor. Biseda që u shfaq sot është diku e muajit janar. Dhe në audiot e mëparshme ka qenë Roni Efet që fliste domethënë për mundësinë e sjelljes së armëve nga vende si Sudani apo Nigeria, dhe paketimi i tyre në Shqipëri, që më pas do të eksportoheshin apo do të trafikoheshin në vendet në konflikt. Pra kemi paketimin e armëve në Shqipëri.

Më pas kemi deklaratën e muajit prill të Ministrit të Mbrojtjes, Ermal Nufi, i cili deri më sot nuk e ka përgënjeshtruar ndonjëherë deklaratën e tij në interpelancë në parlament që po eksportohen armë në zona të nxehta dhe në zona në konflikt. Pra nuk jemi vetëm përballë deklaratave dhe përgjimeve, provave, të dhënave nga përgjimet, por jemi përballë faktit të kryer, nisur nga veprimet që ka kryer Roni Yeffet me regjistrimin e kompanive, bashkëpunimin me Kajon, kontaktet dhe veprimtaria e tij në Sudan për sjelljen e armëve në Shqipëri për paketim dhe më pas dërgimin e tyre në zona lufte siç është Ukraina, apo që në diskutime janë shtetasit ukrainas. Në muajin prill del ministri Nufi dhe përmbledh gjithçka, thotë ne tani jemi duke kryer eksport armësh, ndërkohë që kompania AAT sipas shkresave të shtetit shqiptar ka vetëm dy punonjës, ka Arjeta Pucën, ka dhe një magazinier. Pra, e gjithë kjo është kryer nga dy persona. Se ku janë prodhuar këto armë, nuk kemi fabrika, uzina domethënë që mund të jenë rivendosur, por më tepër kemi një personazh i cili ka ngritur kompani fiktive, dhe ka shfrytëzuar thjesht atë imazhin e shtetit shqiptar si vend anëtar i NATO-s për të kryer të gjithë këtë procedurë. E njëjta gjë ka ndodhur edhe me Timac Difence dhe me të gjitha këto kompani që ky shtetas ka krijuar. Tani mbetet nga ana e SPAK të marrë audio-përgjimin për të marrë provat për sa i përket aktivitet në terren të këtyre dy shtetasve, sepse është më e thjeshtë nqs ata kanë qënë në Sudan, Arjeta Puca dhe Roni Yeffet konfirmohet gjithçka për aktivitetin e tyre. Mjafton të thërritet dhe ministri i Mbrojtjes t’i japi dhe ato letrat e veta se ku kanë shkuar këto armë në zonat e luftës dhe për mua kjo histori është e mbyllur.

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.